陈豪荃湾开咖啡烘焙工场“甜姨姨”世界最佳甜品店之一

　　妈唔易做，Bob（林盛斌）生咗三个女，老婆o依家又陀住B仔，佢保守估计养一个豆丁多过500万，即系话佢要逾2000万先搞得掂（ 新闻连结：http://bit.ly/2vpCOk0 ），咁三年抱三嘅陈豪，闲闲地都要1500万啦！所以陈豪爸爸除咗密密拍剧，同出席商演活动之外，佢仲有啲秘捞㗎！

 

　　一直有个咖啡梦嘅陈豪，去年终于圆梦，喺荃湾开设咖啡烘焙工场“Blooms Roastery & Craft Tea”，建立自家咖啡品牌，据了解，陈豪仲喺荷兰引入价值数十万、以电脑控制嘅炒豆机，卖嘅系浅度烘焙罐装咖啡豆。而老婆陈茵媺就试过半夜去咗老公嘅烘培工场，叹住咖啡咁帮老公卖吓广告。（新闻连结：http://bit.ly/2hNxsft）

 

　　除咗自设咖啡烘培工场，陈豪仲同金牌监制戚其义喺天后开咗间“甜姨姨私房甜品”，呢间甜品店嘅招牌作芝麻豆腐西米露配芝麻雪糕，更获美国杂志《Travel+Leisure》嘅青睐，店铺更因而被选为全世界最佳甜品店之一（新闻连结：http://bit.ly/2usiJZ3 ）！

 

　　嗱！陈豪爸爸咁叻猪，生财有道，睇嚟再生多几个 （喺经济上）都难唔到佢㖞！